Македонија Црна хроника Култура Живот Спорт Свет Скопје Здравје и убавина АВТОМОБИЛИ
Архива
БАРАЈ:
ОД
ДО

27.12.2016, 15:28

НА БОЖИКНИОТ КОНЦЕРТ НА МАКЕДОНСКАТА ФИЛХАРМОНИЈА

Скопје за Божик со миленикот на светската класика Џулијан Рахлин

За годинешниот Божикен концерт на 7 јануари, Македонската филхармонија најавува вистински музички празник со интернационалната ѕвезда во класичната музика виолинист и диригент Џулијан Рахлин.

Славниот виолинист, кој и ќе диригира со оркестарот, ќе изведе виенски маршеви, романтични увертири, популарни танци, љубовни теми, дела од Росини, Чајковски, Штраус, Глинка, Годовски, од Крајслер.
Џулијан Рахлин е еден од највозбудливите и најпочитувани виолинисти на нашето време. Во последните 27 години, тој ја освои публиката низ целиот свет, се префрли и во сферата на диригирањето, а почна да настапува и на виола.
Критиките секогаш се на негова страна. Славниот диригент Марис Јансон ќе каже: "Џулијан ја чувствува музиката од длабочината на срцето", додека маестро Зубин Мехта ќе изјави: "Тој е мошне дарежлива личност во животот и во музиката, и тоа силно се чувствува додека свири".
Тој е прогласен за амбасадор на добра волја на УНИЦЕФ. Роден е во Литванија во 1974 година, но се преселил во Виена во1978. Студирал виолина со еминентниот педагог Борис Кушнир на Виенскиот конзерваториум, стекнувајќи го основното образование од руската традиционална виолинистичка школа, а земал приватни часови кај маестралниот Пинхас Цукерман, кој му ја внел страста и за свирење виола. Меѓународна слава стекнува, буквално, преку ноќ, кога во 1988 година ја добива наградата "Млад музичар на годината" на Евровизискиот меѓународен натпревар во Амстердам. Тогаш е забележан од маестро Лорин Мазел, кој ќе го покани да настапи на Берлинскиот фестивал со Францускиот национален оркестар, и на европска и јапонска турнеја со Питсбуршките симфоничари. Рахлин ќе стане и најмладиот солист што некогаш свирел со Виенската филхармонија, правејќи го своето деби со маестро Рикардо Мути. По препорака на Марис Јансонс, пак, студирал диригирање со Софи Рахлин. Од почетокот на својата кариера, всушност, тој свири со најголемите светски оркестри и со врвни диригенти.
Особено е забележана дискографијата на Рахлин, кој снима за сите врвни куќи, како
"Дојче грамофон", "Сони класикал" и "Варнер класикс" , добива високи квалификации и награди. (М.За.)


Текстот е прочитан 1237 пати.
#
"Паркови" подготвува извештај за секоја палма поединечно
Асфалт наместо макадам на "Наум Наумовски-Борче"
Целосна нега за стари лица во нивните домови
Низ град се слуша ѕвон, почитувај вело бонтон
335 нови кревети за студентите во "Гоце Делчев"
Ќе запре изградбата на Офицерски дом
Екобилборд ќе ја јаде прашината во Скопје
Автопералницата остана како чир на "Трета македонска бригада"
И Советот на Центар изгласа стопирање на улицата на Кеј 13 Ноември
Пролет значи нова ера

Електронско издание на Вест

Кликни за претплата

ФОТО ГАЛЕРИИ
„За заедничка Македонија“ кон СДСМ: Откажете се и не гласајте за тирански претседател на Собрание (Фото)
Граѓаните дел од граѓанската иницијатива „За заедничка Македонија“ кои веќ...
ИЗЛОГ
Убавина
Пишува Лејла САБИТ - Вистинска. Лажна. Природна. Вештачка......

"Порше" има профит од 16 000 евра од секое возило
Германскиот производител на спортски автомобили, во просек, има профит од ...
"Ауди" во јули ќе го открие новиот "А8"
Четвртата генерација на суперлимузината на "Ауди" ќе биде претставена на 1...
"Фиат фулбек крос": пикап наменет за младата публика
"Фиат" на Саемот во Женева ја претстави крос-верзијата на својот пикап мод...

ОТВОРЕНО ЗА АУТИЗМОТ

 
    

Потпечени палачинки
Приготвување: пржените палачинки наредете ги во тавче. Ситно исечкајте ја ...
Site Meter