Македонија Култура Скопје Живот Спорт Свет Калеидоскоп Култура свет
Архива
БАРАЈ:
ОД
ДО

11.01.2017, 13:23

РСБСП: Пешаците да не се движат со рацете во џеб и да носат соодветни обувки

Движете се по тротоарот секогаш кога е можно, а ако не е, користете го крајниот лев раб од коловозот и следете ги возилата кои ви доаѓаат од спротивната страна. Не го бркајте зеленото светло за пешаци или автобусот, избегнувајте да носите торби и други предмети кои ја нарушуваат вашата рамнотежа, никогаш не се движете со рацете во џеб, секогаш преминувајте ја улицата на пешачки премин. Преминувањето надвор од пешачкиот премин е крајно опасно, особено во услови на намалена видливост и тоа сериозно може да влијае на вашата безбедност во сообраќајот.

Ова се само дел од советите за пешаците што ги изготви Републичкиот совет за безбедност на сообраќајот на патиштата (РСБСП) со цел нивно безбедно движење во зимски услови, на снег, мраз и минусни температури.

- Настојувајте секое движење да ви е внимателно испланирано и не ризикувајте со изборот на „скратен пат“. Пред да се решите да стапнете на улицата, имајте предвид дека на возилата им е потребно повеќе време да запрат и сопирачкиот пат е подолг од вообичаено. Не ја преминувајте улицата додека не сте сигурни дека возилата кои се движат по коловозот ве забележале и се во состојба безбедно да го запрат своето возило, препорачува РСБСП.

Пешаците, нагласува РСБСП, треба да носат и соодветни обувки, да чекорат бавно и сигурно со целото стапало. - Соодветните обувки му овозможуваат на пешакот да чекори со целото стапало и да има добар и стабилен контакт со подлогата по која се движи. Обувките треба да се со соодветна потпора и да не се лизгаат на снег, додава РСБСП.

Според Републичкиот совет за безбедност на сообраќајот, пешачките премини може да бидат доста опасни и при самото разминување на пешаците.

- Внимавајте каде чекорите. Гледајте пред себе и пропуштете го пешакот кој ви доаѓа од спротива. При преминување на улицата немојте да застанувате меѓу двете коловозни ленти зашто возачите не ве очекуваат таму и може да бидете удрени од возило кое се движи по влажен и лизгав коловоз. Бидете особено внимателни кога се качувате или излегувате од автобус или автомобил или кога се движите помеѓу паркирани возила и излегувате на улица, носете светла облека со рефлектирачки додатоци особено во рани зори и во приквечерието, истакнува РСБСП.

Републичкиот совет за безбедност на сообраќајот на патиштата, покрај овие совети, апелира до пешаците на максимално одговорно учество и на љубезност во сообраќајот.

- Внимателно учество во сообраќајот не е грижа само на возачите. Секој од нас има обврска да се грижи за својата безбедност и да дава личен придонес за непречено одвивање на сообраќајот, додава РСБСП и потсетува дека е битно и љубезното однесување во сообраќајот.

Според статистиките, секоја година околу една четвртина од вкупниот број жртви во сообраќајот се пешаци.


Текстот е прочитан 1675 пати.
#
Реакција на СДСМ на прес-конференцијата на Ѓорчев
Ѓорчев: Заев може да бега од правдата, но не може да избега
Сe повеќе бебиња се раѓаат со малигни тумори
Груевски за косовски „Експрес“: Мојот став за Албанците и улогата на Сорос во Македонија
Одлуката на Јанева е потврда дека Заев е фатен во криминал
„Стоп операција Сорос“: Фондацијата на Сорос нема врска со граѓански сектор
ВМРО-ДПМНЕ: За секој сторен криминал Заев ќе биде казнет
Нова група словачки полицајци во зедничка патрола на границата со Грција
МНР бара корекција на именувањето на Република Македонија од државните органи на Србија
Земјоделците бесплатно имаат на располагање 27 проекти за изградба на фарми и насади

Електронско издание на Вест

Кликни за претплата

ФОТО ГАЛЕРИИ
Фотографиите од сексапилната албанска поп пејачка Ени Кочи уриваат рекорди на Интернет
ИЗЛОГ
Идила
Пишува Лејла САБИТ - Во Македонија ни се случува идила......

Тојота подготви спортско издание на Јарис
По враќањето на светската рели сцена Тојота на претстојниот Саем за автомо...
КИА влегува во светот на спортските лимузини
Јужнокорејската компанија КИА го одржа своето ветување и ја промовираше пр...

ОТВОРЕНО ЗА АУТИЗМОТ

 
    

Варени јаболка со пудинг
Приготвување: јаболката измијте ги, излупете ги и ставете ги во половина л...
Site Meter