ИЗБОРИ 2016 Македонија Црна хроника Култура Живот Спорт Свет Скопје Здравје и убавина АВТОМОБИЛИ
Архива
БАРАЈ:
ОД
ДО

28.08.2015, 15:30

Се удавија 200 бегалци на патот до Европа во Средоземното море

ЛИБИЈА (АП) - Либиските служби собираа тела на мигранти кои се удавија кај крајбрежниот град Зувара и се стравува дека има 200 мртви во најновата катастрофа во која настрадаа очајни луѓе кои се обидуваат да стигнат до Европа.

Фотограф на "Асошиетед прес" на местото на настанот видел како службите извлекуваат тела од водата и го креваат потонатиот брод во пристаништето во кое уште имаше удавени жрви кои лебдеа со лицата во вода. Најмалку еден од нив носел појас за спасување. Телата беа спакувани во кеси и наредени на крајбрежјето.
Хусеин Ашени, шеф на либискиот Црвен крст во Зувара рече дека најмалку 105 луѓе загинале од кои дел биле заглавени внатре во бродот откако се превртел. Рибари и крајбрежната стража го нашле превртениот брод во вода и го влечеле до Зувара каде морале да ја скршат палубата за да стигнат до луѓето заглавени внатре.
"Бродот потонал в море и тимови на крајбрежната стража уште нуркаат и проверуваат дали има некој внатре", рече тој. Има различни извештаи за бројот на жртви и Црвениот крст уште ги брои телата и преживеаните, додаде тој. Во соопштението на агенцијата за бегалци на ОН стои дека околу 200 луѓе се водат за исчезнати и се стравува дека се мртви откако вчера либиската крајбрежна стража спроведе операција за спасување за два брода што се смета дека пренесувале 500 мигранти.
Отман Белбеиси, шеф на мисијата за Меѓународната организација за миграција во Либија, рече: "Уште чекаме повеќе детали, но дознавме дека имало 400 луѓе на двата брода." Тој додаде дека 100 луѓе се спасени од кои девет деца и две девојчиња.


Текстот е прочитан 1715 пати.
#

Електронско издание на Вест

Кликни за претплата

Знаеш што е подобро - Телефон
Шарени лаги
ФОТО ГАЛЕРИИ
Дарко Тасевски и Ромина на меден месец на Малдивите (Жешка фотогалерија)
Македонскиот фудбалски интернационалец Дарко Тасевски и неговата сопруга и...
ИЗЛОГ
Бунда
Пишува Лејла САБИТ - Ја сакаат и жени и мажи......

"Мајбах С650 кабриолет" е најскапиот сериски модел на "Мерцедес"
"Мерцедес" со моделот "мајбах С650 кабриолет" кој го претстави во Лос Анџе...
"Ферари 250 ГТО" се продава за 52 милиони евра!
Цените на класичните автомобили прават само едно - растат. Ако покрај тој ...

ОТВОРЕНО ЗА АУТИЗМОТ

 
    

Тиквички полнети со ориз
Приготвување: исечете ги тиквичките на парчиња долги 6 см, издлабете ги и ...
Site Meter